茂名媒体网

标题: 男人拍得拖越多，真係越唔可靠 [打印本页]

作者: 羊角妹 时间: 2015-1-12 06:58
标题: 男人拍得拖越多，真係越唔可靠
如果你係一个女人，同时有两个男人追求你，你会点选择？
A：「我拍过两、三次拖。」
B：「我拍过…（开始数手数）…N次啩…」
感觉上，拍拖次数越少，睇落较纯情既一位，即係A会比较可靠。
而拍左N次拖既B，俾人感觉就係花心，玩世不恭。

排除哂一切外在因素，唔睇係咪高大靓仔，唔睇工作出身财富，无视埋浪唔浪漫同有无超能力，大部分女人都会同A一齐，因为女人择偶注重安全感。除非你係追求刺激感，「男人不坏，女人不爱」既心态搵男朋友啦。
但係其实情史丰富既男人好可能比你眼中单纯既男人更可靠。

情史空白既男人分分钟係最危险既男人，因为佢地无接触过好多异性，所以对异性好容易有好奇心，促使佢地係拍紧拖或者结左婚之后轻易出轨。係既，可能佢地係会好投入，好真心咁同你拍拖，付出好真摰既感情，但係有几多人会一拍拖就知道自己需要D咩，咩人先岩自己呢？所以佢地係面对诱惑，或者见到另一个引起佢地兴趣既异性既时候，往往难以抵抗。未经受过诱惑既男人，对异性充满好奇，好似脱缰野马或者无雀既脚仔咁，Sorry，係无脚既雀仔，边有咁容易俾你捉得住！理得你几好女，用几多个精灵球都收服唔到佢，只要一过左热恋期，冷却左佢个三分钟既热度，佢就会ｍｍｍ…天气不似预期，但要走总要飞…左你。
其实男人后生好多时都心野，钟意玩。但当佢地玩够喇，玩厌喇，个心就自然定落黎，会想发展稳定同远既关係。正常黎讲，当男人玩到咁上下，对玩既兴趣自然会降低。要花心花过，要玩都玩过，咩都试过经历过，对於诱惑既抵抗力自然会高番。而感情其实唔係咁好玩，一但真正投入左一段感情，就好番自拔。所以男人玩够就会觉得攰，觉得俾女人有时既无理取闹同撒娇折磨够喇，厌倦左，就会想以后好好地过日子。刺激够，就追求平稳。佢地见识过各式各样既女人，一旦佢地选结婚，就係佢地想定落黎既时候。结婚后，再性感、单纯、吸引既女人，都好难再引起佢地兴趣同慾望，佢都只会乖乖守护住身边个个肯信任佢既老婆过日子。

「你唔係佢第一个女朋友，但好可能係最后一个。」如果佢肯浪子回头，终於定性既话，咁就要好好把握啦。
女人成日问D好男人死哂去边度。「你要静候再静候就算失收始终要守」等到两种葡萄都熟透，咁咪可以摆酒咯。

181554q1m0oyg6gdi8siii.jpg (107.69 KB, 下载次数: 49)

222619w9uo3chuturvhvzk.jpg (77.03 KB, 下载次数: 38)

作者: 焰火爆发 时间: 2015-1-13 18:12
这个说法好像有道理

作者: 好狗不见 时间: 2015-1-14 13:40
…………
那我岂不是没人要了？

作者: 伸张正义 时间: 2015-1-14 23:05
是假的

作者: 伸张正义 时间: 2015-1-14 23:05
那相亲越多是不是约好呢？

作者: 金山二少 时间: 2015-1-14 23:13
感觉上，拍拖次数越少，睇落较纯情既一位，即係A会比较可靠

作者: 金山二少 时间: 2015-1-14 23:14
女人成日问D好男人死哂去边度

作者: 二少爷 时间: 2015-1-16 08:45
不太信

欢迎光临茂名媒体网 (http://mmmtw.com/)